Online Bank Account Kaise Khole?

Online Bank Account Kaise Khole?

Bank Account se related queries mein aapka swagat hai aur aaj hum aapko batane wale hain ki Online Bank Account kaise khole ya Online Bank Khata kaise Khole. Agar aap ne ab tak apna Bank account nahi open kiya hai toh aap bhi hamare iss article ko padh bahut he asaani se Apna Online bank khata open kar sakte hain. Sath he hum janenge ki Online Bank Account khu Kholna hai, Online Bank account kholne ke Fayde aur Nuksaan, Kotak 811 aur Axis Bank jaise Online Account kaise Kholte hain aur ant me iss post ka The End karenge.

Online Bank Account kyu kholna hai?

Dosto pehle toh yeh jante hain ki aakhir aapko Online Bank Account Kyu kholna hai? Toh iska jawab me yu dunga ki aapko ek extra bank account ki jarurat pad gayi aur aapke pass itna time nahi hai ki aap bank jaye aur aapka time waste ho. Iss case me aap Online bank account kholna chahenge jo aap turant baad usay use be kar sakte ho. Ya toh aapke pass koi bank account nahi hai toh aapne kahi se suna ki Online Bank account khola jaa sakta hai toh aap Online bank account kholna chahenge. Account bank Account kholne ke fayde be hai jissay aap apna account online kholna chahenge. Toh yeh thoda brief me tha ki aapko Online Bank Account Kyu kholna hai. Chaliye ab Online Bank Khata kholne ke Fayde aur nuksaan bata dete hain.

Online Bank Account kholne ke Fayde aur Nuksan?

Jahan kisi cheez ke Fayde hote hain vahi usi cheez ke kuch nuksaan bhi honge toh isi baat ko deyan me rakhte hue hum aapse discuss karenge ki Online Bank Account Kholne ke Fayde aur Nuksaan kya kya hain. Chaliye ab dekh lete hain:

• Fayde: Dosto agar aap ek online bank account open karte ho toh aapko issay bahut fayde milte hain jaise ki sabe pehla aur sabse bada fayda ki isme aapke Time barbaad nahi hota agar hum compare kare Bank me jaa ke khata khulwane ki. Dusra Fayda yeh hai ki aapko isme koi paper work ki zarurat nahi padti. Aapko apne sath zyada documents nahi lene padte isme bus aapko Aadhaar + Pan + Mobile number ke sath apka kam bann jata hai. I hope ki itne fayde kafi honge aapko Online Bank account khulwane ke liye. Ek aur fayda hai ki isme aapko Internet Banking open karne ke liye bhi bank nahi jana padta. Aapko ghar baithe he login access mil jata hai.

• Nuksaan: Dosto iske jitne fayde hain aap usi se santusht honge i guess. Par aapko iske nuksaan bhi bata dein. Zyada kuch khaas nuksaan toh nahi hain par fir be dekh lete hain. Pehla nuksaan yeh hai ki jaise aap Online Kotak 811 ka Account kholte hain toh voh kehte hain ki RBI ki guidelines ke according apko 1 sal ke ander Kotak bank me visit karna he padega varna aapka 1 sal ke baad account band kar diya jayega. 1 baar toh aap apna Fingerprint dene ke liye toh 1 sal me jaa he sakte ho. Isme aapko limit be kam di jati hai thodi yeh ek dusra drawback hai. Bus yahi hai iske kuch nuksaan par yeh toh chalte hain isme aapko koi ghabrane ki zarurat nahi honi chahiye.

Online Bank Account Kaise Khole?

Chaliye ab aata hai hamara mukhya topic aur isme hum aapko Idea dete hain ki aapko Online Bank Account kaise Kholna hai? Aapko Online Bank account kholne ke liye karna kya hota hai jaise jo be bank Online Account open karna support karta hai uss website par jaye aur apne sath Aadhaar + Mobile + PAN rakh lein. Fir uss website me aapko open account par jana hota hai. Vahan aapko registration karna hai apna name, address, mobile number, email, Pan Card Number aur last me Adhaar card dal ke OTP verify karna hota hai. Bus aapka account 5 minute me ready ho jayega.

Kotak, Axis Bank me Online Account Kaise Open kare?

Aapko bata dein ki Hamare India me do aise Popular banks hain jo hamein Online Bank account kholne ki suvidha dete hain aur vo hain Kotak bank aur Axis Bank. Ab hum aaokoAap niche step by step janenge ki Aap Kotak, Axis Bank me  online account kaise kholenge:

• Agar aap Kotak bank me online account kholna chahte hain toh niche Kotak 811 Ke link ko open kare.
• Agar aap Axis bank me account kholna chahte hain toh Axis Asap link par click kare.
• Open account par click kare.
• Aapko form milega toh vahan apni details bhare jaise apna naam, Aadhaar card wala Address, Pan Card, email, mobile number, Gender, Indian citizen select etc..
• Last me aapko Aadhaar card wale registered mobile number par OTP bheja jayega aur Otp dalke verify kare. Deyan rahe ki mobile number be form me Aadhaar card vala he dale.
• Apka bank account 5 min. me open ho jayega.

Open Kotak 811 Account

Open Axis Asap Account

Toh bhaiyo aur behno aise khola jata hai Kotak 811 aur Axis Asap jaise Online bank accounts. Toh isi ke sath hamara yeh article khatam hota hai. Agar apko Online bank account kholne me koi problem aati hai toh aap comment karke puch sakte hain.

The End

Ab baari hai aapse sunne ki apko hamare blog me koi kami dikhi ho toh aur agar nahi bhi dikhi toh hamein comment karke batayein ki apko yeh post “Online Bank Account Kaise Khole” kitna acha laga.

Dosto chaliye ab chalte hain. Aap apni koi rai dena chahte hain toh aap humse contact form ya email ke dwara contact kar sakte hain. Chaliye chalte hain fir milenge.